February 21 2019

அமரர் ஆறுமுகம் கணபதிப்பிள்ளை
திதி தேய்பிறை துதியை

மாசி மாதம் 8 ம் நாள்
புதன்கிழமை
February 20, 2019
20 ஆண்டுகள் நினைவு நிறைவு

தாய் மடியில்	இறைவன் திருவடியில்
13.03.1920	03.03.1999

அவசரமாய் இருபது ஆண்டுகள் கழிந்தது ஐயா
ஆனாலும் நாங்கள் உங்கள் நினைவுகளுடன் வாழ்கின்றோம்
ஆண்டுகள் பல சென்றாலும் அன்பின் திருவுருவாய்
அன்புடனும் பண்புடனும் அனைவரையும் ஆதரித்து
அறிவுரைகள் பல கூறி அரவணைத்த ஐயாவே
ஐயா அம்மா அப்பு ஆச்சி சீனியம்மா மாமி என – எல்லோரும்
நீண்டதூரப்பயணத்தில் இணைந்திருந்தாலும்
எங்கள் நினைவுகளில் எப்போது இருப்பீர்கள் ஐயா

வாழையடி வாழையாய் வம்சம் தழைக்க
இல்லறத்தில் எமை அமர்த்தி இனிய வரமீந்தீர்
பேரக்குழந்தைகளைப் போற்றி பேணி
அடுத்த தலைமுறைக்கு ஆசி வழங்கினீர்

இன்று நாங்கள் சிரிப்புக்களை இழந்து – நீங்கள்
ஈந்த உங்கள் செல்வங்களுடன் வாழுகின்றோம்
உலகம் போற்ற வாழவைத்த தெய்வமே
ஊரார் மதித்திட உண்மையை பேசி நின்றீர்கள்
எளிமையின் உருவமாய் இறை பக்தியாளனாய்
ஓங்கி நிற்கும் பிள்ளைகளை சிறப்புடன் வளரத்தீர்கள்
உங்களது பாசத்தை மறக்க முடியாமல் தவிக்கும்
பிள்ளைகளை ஒற்றுமையாய் வாழ வைத்து
கண்ணை இமை காப்பது போல் விண்ணுலகில் இருந்து
காத்திடுங்கள் ஐயா

பாசமுள்ள ஐயாவுக்கு உங்கள் சின்ன மகளின்
20ம் ஆண்டு நினைவுப் பூக்களை உங்கள் பாதங்களில்
கண்ணீர் மலர்களாய் சமர்பிக்கின்றேன்

மகள்
திருமதி ஸ்ரீகாந்தா
416 335 6558

 

 

March 2, 2018

அமரர் ஆறுமுகம் கணபதிப்பிள்ளை
திதி தேய்பிறை துதியை
மாசி மாதம் 19 ம் நாள்
March 3, 2018
19 ஆண்டுகள் நினைவு நிறைவு

தாய் மடியில்	இறைவன் திருவடியில்
13.03.1920	03.03.1999

அன்புக்கும் பண்பிற்கும் உறைவிடமாய்
இருந்த எங்கள் அன்புத் தெய்வமே
ஆயிரம் உறவுகள் அணைத்திட இருந்தாலும் - ஐயா
உங்களைப் போன்று அன்பு செலுத்த யாரும் இல்லை
நீங்கள் எங்களுடன் வாழ்ந்த நாட்களின் நினைவுகள்
எமதுள்ளம் வேதனையில் துடிக்க வைக்கும் - ஐயா

உங்கள் சிரித்த முகமும் அழகிய புன்முறுவலும்
சாந்தமான குரலும் தாங்கள் எம்மீது காட்டிய
பாசம் பரிவு இரக்கம் எதையும் நாம் மறக்கவில்லை
தெய்வத்துள் நீங்கள் நிறைந்து விட்டாலும்
வையகத்தில் நிதமும் தங்கள் நினைவில் வாழ்கின்றோம்.

பத்தொன்பது ஆண்டு சென்றாலும் நினைவுகளை
பசுமையாய் சுமக்கும் பாசமுள்ள மகள்
மற்றும் பேரப்பிள்ளைகள் ஆசியும் வாழ்த்தும் வேண்டி
தங்கள் பாதங்களில் சமர்பிக்கும் நினைவு மலர்கள்

மகள் 
திருமதி ஸ்ரீகாந்தா 
416 335 6558

___________________________________________________

 

March 13, 2017

அமரர் ஆறுமுகம் கணபதிப்பிள்ளை
திதி தேய்பிறை துதியை
பங்குனி மாதம் முதலாம் நாள்
March 14, 2017
18 ஆண்டுகள் நினைவு நிறைவு

தாய் மடியில்	இறைவன் திருவடியில்
13.03.1920	03.03.1999

சித்தி விநாயகர் நித்திய பூசையுடன் முன் முந்தியருள்
எழுந்தருளி பிள்ளையார் சிலையும் செய்த
பக்தி நிறை கணபதி துணையுடன்
வித்தக வர்த்தகராய் வளம்பட வாழ்ந்த
எங்கள் பாசமுள்ள ஐயாவுக்கு – உன் மகளின்
நினைவஞ்சலிப் பூக்கள்

சீர் மேவும் அச்சுவேலி வளலை நகர் தனிலே
பார் புகழும் சொந்த மைத்துனியாம் செல்லக்கா என்று
செல்லமாக அழைக்கப்படும் செல்லம்மாவை
வாழ்க்கைத்துணையாய் ஏற்று ஊர் போற்ற வாழ்ந்து
வாழ்ந்தது போதும் என்று துணையாய் வந்த
துணையையும் உன்னிடம் அழைத்து விட்டாய்
பிணைப்பென பிறந்திட்ட பிள்ளைகள் கலங்கிட
பிறப்போடு இறப்பும் இணைந்தது – ஆனால்
உங்கள் இழப்பை எம் நெஞ்சம் மறக்கவில்லை

தெள்ளு தமிழ் வட ஈழம் ஈன்றெடுத்த அருமருந்தே
எங்கள் குடும்பத்தலைவனாய் தோன்றி
அழகான சிரிப்பாலும் அன்பாலும் எம்மை
அரவணைத்த எங்கள் பாசமுள்ள ஐயாவே
வள்ளுவன் வகுத்திட்ட வாழ்க்கையின் கோட்டினிலே
வளமான பிள்ளைகள் மருமக்கள் பேரப்பிள்ளைகளுடன்
அன்பின் இலக்கணமாய் வாழ்ந்து கணேசன்
அடிசேர்ந்த உன் பாதாரவிந்தங்களுக்கு
உள்ளம் நெகிழ்ந்திட சூட்டுகின்றோம்
நீ முத்தி பெற எமதஞ்சலிப் பூக்களை

மகள் திருமதி ஸ்ரீகாந்தா
தொலைபேசி: 416 335 6558

February 23, 2016

17 ம் ஆண்டு நினைவலைகள்
ஆறுமுகம் கணபதிப்பிள்ளை

திதி 24.02.2016 (புதன்கிழமை) துதியை

அன்பும் பண்பும் நிறைந்த ஐயாவே
அன்புத் தெய்வமாய் அணைத்தீரே எங்களை
பளிங்கு போன்ற உன் மேனியும்
பால் நிலவு போன்ற உன் முகமும்
அழகிய புன்சிரிப்பும் அன்பான உபசரிப்பும்
எப்போது காண்போம் ஐயா இவ்வுலகில் - நாங்கள்
உங்களை நினைத்து வாழ்கிறோம் மறக்க முடியவில்லை ஐயா

அன்பையும் அறிவையும் தந்து எம்மை
அகிலம் போற்ற வளர்த்த எங்கள் ஆசை ஐயாவே
துன்பங்கள் தனக்கென்றும் சுகங்கள் எல்லாம்
குடும்பத்துக்கு என்றும் நினைத்தீரே – ஐயா
நீங்கள் எங்களோடு இருந்த நாட்கள் எல்லாம்
எங்களுக்கு எப்போதும் வசந்த காலங்கள்
இவற்றை எல்லாம் எப்படி மறப்போம் நாங்கள் - ஐயா

வருடங்கள் பல உருண்டோடினாலும் - உன் உருவம் கண்ணில் நிற்குதையா
என்னுடன் இருந்த போது எனக்கும் என் பிள்ளைகளுக்கும்
பக்கத்தில் இருந்து பல அறிவுரைகள் எடுத்துரைப்பாய்
அதே போல் விண்ணுலகில் நீர் இருந்தாலும் உங்கள் ஆசீர்வாதம்
எங்களுக்கு வேணும் ஐயா – எப்போதும்
நம் வாழ்க்கைக்கு வெளிச்சத்தை தந்த ஐயாவுக்கு
எத்தனை ஆண்டுகள் சென்றாலும் எம் நெஞ்சை விட்டு அகலாத
எங்கள் ஐயாவுக்கு மக்கள் மருமக்கள் பேரப்பிள்ளைகளின்
பதினேழாம் ஆண்டு நினைவு அஞ்சலிப் பூக்கள் ஆண்டவன்

பாதத்தில் காணிக்கையாய்

மகள் 
திருமதி ஸ்ரீகாந்தா 
416 335 6558

March 5, 2015

அமரர் ஆறுமுகம் கணபதிப்பிள்ளை
பதினாறாம் வருட நினைவு வணக்கம்
திதி 07.03.2015 (சனிக்கிழமை) துதியை

தாய் மடியில்	இறைவன் திருவடியில்
13.03.1920	03.03.1999

 

இவ்வுலகை விட்டுப் பிரிந்தாலும் எங்கள் இதயங்களில் தெய்வமாக வாழ்ந்து கொண்டிருக்கும் எங்கள் ஏ.கே. ஐயா அவர்களின் பதினாறாம் ஆண்டு நினைவு வணக்கம்

பார் புகழ் வளலாய் பதியில் பூத்தீர்
பேர் உள குடியினில் பிள்ளையாய் பிறந்தீர்
செல்லமாய் வளர்ந்து சொந்த மாமன் மகளை
வாழ்க்கைத் துணையாய் கரம் பிடித்தாய்
பேரோடும் புகழோடும் ஊர் போற்ற வாழ்ந்தாய்.

ஆறு ஆண்மகவைப் பெற்று பேரோடும் புகழோடும்
சிங்கமென வளர்த்தெடுத்து தலைநிமிர்ந்து வாழ வைத்தாய்
யோகம் அருந்தா கௌரி என முத்துக்கள் போல் மூன்று பெண்களைப்
பெற்றெடுத்து சீரோடும் சிறப்போடும் வாழ வைத்தாய்

போராடும் வாழ்வில் புயலாக துன்பம் வந்த போதும்
பிள்ளைகளையும் பேரப்பிள்ளைகளையும்
புன்சிரிப்பால் அன்போடு பேசி அரவணைத்தாய்

திக்கெல்லாம் பிரிந்து தஞ்சம்  புகுந்த நாட்டில் வேதனையைச்
சுமந்து கொண்டு இருக்கும் உங்கள் பிள்ளைகள் மருமக்கள்
பேரப்பிள்ளைகளின் கண்ணீர் பூக்களை எங்கள் ஐயாவின்
பதினாறாம் ஆண்டு நினைவுக்கு ஆண்டவன் பாதத்தில் காணிக்கையாய்

மகள்
திருமதி ஸ்ரீகாந்தா
416 335 6558

அமரர் ஆறுமுகம் கணபதிப்பிள்ளை

பதினைந்தாம் ஆண்டு நினைவு வணக்கம்

திதி  -  16.02.2014. (துதியை)

 

தாய் மடியில்	இறைவன் திருவடியில்
13.03.1920	03.03.1999

 

வளலாய், அச்சுவேலியைப் பிறப்பிடம் மற்றும் வசிப்பிடமாக கொண்டவரும், முன்னை நாள் காவல்துறை உத்தியோகத்தரும், பிரபல வர்த்தகர் மற்றும் கணபதி ஸ்ரோர் உரிமை யாளரும், (A.K) என்று அழைக்கப்பட்டவருமான ஆறுமுகம் கணபதிப்பிள்ளை அவர்களின் பதினைந்தாம் ஆண்டு நினைவு வணக்கம்.

எங்கள் இமயம் சரிந்து
பதினைந்து ஆண்டுகள் ஓடி மறைந்ததைய்யா
உங்கள் பாசமுள்ள மனைவியும் எங்களைப்
பெற்றெடுத்த தாயுமான – ‘ செல்லம்மா ’ வை
கண்ணிமைக்கும் நேரத்தில் உன்னிடம் அழைத்தாய்
பௌர்ணமி நிலவு தேயும்
தேயாது என்றும் உன் நினைவு – எம் மனதில்,
தடைக்கற்கள் உனக்கு படிக்கற்கள்
பாசமுடன் வளர்த்து எம்மைத்
தரணியில் தலைநிமிர வைத்தாய்
நாம் இன்று சிறகு ஒடிந்த பறவைகளாய்
கூடு கலைந்து நிற்கிறோம் இவ்வுலகில்
என்றும் தங்களின் பிரிவால் துயருறும்

பிள்ளைகள் மருமக்கள் பேரப்பிள்ளைகள்.

மகள்
திருமதி ஸ்ரீகாந்தா
416 335 6558

சுவடுகள்